ရတု

ရတုဟူသည် သက္ကတဘာသာ “ရိတု” မှ “ရတု” ဖြစ်လာသည်။ ရိတု ၏ အနက်မှာ `အခါရာသီ´(ရာသီဥတု)ဟု အဓိပ္ပါယ် ရသည်။ မြန်မာဘာသာ ပေါရာဏသက်သက် ရတု လည်းရှိသည်။ `သဘင်´၊ `အခမ်းအနား´၊ `အခြေအနေ´ ဟူသော အနက်သုံးမျိုး ရသည်။
ဖွဲ့နွဲ့မှုတစ်ခုသည် အများနှင့် ဆက်စပ်လျှင် သဘင်၊
တစ်ဦးတစ်ယောက် အတွက်ကိုသာ စပ်ဆိုလျှင် အခမ်းအနား၊
ပကတိ ဖြစ်ထွန်းနေသော သဘာဝဓမ္မ အခြေအနေများကို ပြလျှင် အခြေအနေ ဟူ၍ အနက်ရသည်။
ရတုသည် လင်္ကာမှ ပေါက်ပွားလာသော ကဗျာအဖွဲ့အနွဲ့ ဖြစ်သည်။ သို့သော် လင်္ကာ ကဲ့သို့ မဟုတ်၊ ဖွဲ့ဆိုရာတွင် စည်းစနစ်၊ ဥပဒေရှိသည်။
ရတုတွင် တစ်ပိုဒ်တည်း ဖွဲ့စပ်လျှင် ဧကပိုဒ်၊
နှစ်ပိုဒ် ဖွဲ့စပ်လျှင် အဖြည့်ခံ၊
သုံးပိုဒ် ဖွဲ့စပ်လျှင် ပိုဒ်စုံ ဟူ၍ ခေါ်ဆိုသည်။ သုံးပိုဒ်ထက် ပို၍ မဖွဲ့နွဲ့ကြပေ။ တစ်ပိုဒ် တစ်ပိုဒ်တွင်လည်း ပါဒ အရေအတွက် (၁၀၈)ပါဒထက် ပိုမို မဖွဲ့နွဲ့ကြပေ။ အဖျားချများတွင်လည်း ခိုင်ညွန့်ခက်ဖြာ ၇-လုံး၊ မဏိဆံကျင် ၉-လုံး၊ အာသာဝတီ ၀တ်ဆံ ၁၁-လုံး၊ မဏိဦးပြည်း ၁၅-လုံး၊ ဇော်တစ်ခိုင်လုံး ၁၉-လုံး စသည်ဖြင့် အဖျားစာလုံး အရေအတွက် သီးသန့်ထားလျက် ရှိသည်။
မြန်မာနိုင်ငံတွင် အစောဆုံးတွေ့ရှိသော ရတုမှာ သက္ကရာဇ်(၇၀၀)ကျော်လောက်က ပင်းယခေတ် စတုရင်္ဂဗလ အမတ်ကြီးရေးသားသော ရတု ဖြစ်သည်။ ထိုရတုသည် ပုဂံဆရာတော် (သို့) ဆူးတွင်းပစ်ဆရာတော်အား မြတ်စွာဘုရား တရားတော် အကြောင်းနှင့် စပ်လျဉ်း၍ မေးမြန်းကာ ရေးသားထားသော အမေးပုစ္ဆာရတု ဖြစ်သည်။ တဖန် ဆရာတော်က ဖြေရတု ကိုလည်း ရေးသားခဲ့သည်။^[1]
ရတု အစ မြန်မာစာပေတွင် ပုဂံခေတ်အတွင်းကပင် ရတုကဗျာများ ပေါ်ပေါက်နေသည်ဟု ထင်မြင်ယူဆဘွယ်ဖြစ်သည်။ ပုဂံခေတ် ‎ပေါ် ရတုများကို မျက်ဝါးထင်ထင် မတွေ့ရှိကြငြားသော်လည်း ရတုသဘော သက်ဝင်သော လင်္ကာတိုကလေးများကို ‎တွေ့ရှိရခြင်းဖြင့် လည်းကောင်း၊ ပုဂံခေတ်ပေါ်ကျောက်စာများတွင် ကာရန်အစပ်အဟပ်ညီသော အဖွဲ့ကလေးများကို တွေ့ရ ‎ခြင်းဖြင့် လည်းကောင်း၊ ထို ထင်မြင်ယူဆချက်မှာ မှားသည်ဟု မဆိုနိုင်ပေ။ ဥပမာ ပြရမည်ဆိုသော် သက္ကရာဇ် ၅၃၆ ခုနှစ် ‎နရပတိစည်သူမင်းကြီးလက်ထက်တွင် မင်းယဉ်နရသိင်္ခ၏ အထိန်းတော် အနန္တသူရိယအမတ်သည် မင်းပြစ်မင်းဒဏ် ‎ရာဇသံကြောင့် သေရအံ့ဆဲဆဲတွင် ရေးခဲ့သော ...‎
‎"သူတည်းတယောက်၊ ကောင်းဘို့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း"‎ အစရှိသည့် လင်္ကာတိုကလေးကို ဖွဲ့ဆိုခဲ့သည်ကို ထောက်၍လည်းကောင်း၊ ထိုခေတ်ထိုကာလလောက်ပင် ဖွဲ့ဆိုသည်ဟု ‎ယူဆအပ်သော ...‎
‎"သိုးကလေး။ ။ပုပ္ပါးနတ်တောင်၊ အခေါင်မြင့်မား၊ စုံတောဖျား၌၊ နံ့ရှားကြိုင်လွင့်၊ ခါတန်ပွင့်သည်၊ ‎ရွှေနှင့်ယိုးမှား၊ ပန်းစကား"‎ အစရှိသည့် ပုပ္ပါးနတ်တောင်ဘွဲ့ လင်္ကာသည်လည်းကောင်း၊ ထို့ပြင် ကျစွာမင်းလက်ထက် ဖွဲ့ဆိုသည်ဟု ယူဆအပ်သော ...‎ ‎"မြကန်သာ။ ။တောင်ကျချောင်းတေး၊ ရေဝင်ပြေးလှည့်၊ ရေအေးကြည်စွာ၊ ကန်ပိုင်မာလျက်၊ ‎ကြာပေါင်းထုံထုံ၊ ငှက်မျိုးစုံသည်၊ ဘုံဝတိံက၊ နန္ဒာလော၊ တူစွဟုတ္တာ။"‎ အစရှိသော 'မြကန်ဘွဲ့' လင်္ကာတိုကလေးသည်လည်းကောင်း၊ ပဒလေးလုံး၊ ပဒသုံးလုံးဖြင့် အစချီ၍ လေးလုံးစပ် ကာရန် ‎ဖြင့် ဖွဲ့ဆိုပြီးလျှင် အချအပိုဒ်တွင်လည်း ရှစ်လုံး၊ ခုနစ်လုံး စသည်ဖြင့် ချဆိုဖွဲ့နွဲ့သည်ဖြစ်၍ လင်္ကာဟုပင် တပ်အပ်ခေါ်သော် ‎လည်း စင်စစ်သော်ကား ရတုသဘော သက်ဝင်သည်ဟု ဆိုရပေမည်။

စင်စစ်အားဖြင့် ရတုသည် လင်္ကာမှပေါက်ပွားလာသော ကဗျာအဖွဲ့အနွဲ့ဖြစ်သည်။ သို့သော် လင်္ကာကဲ့သို့ မဟုတ်မူ၍ ဖွဲ့ဆိုရာ ‎တွင်လည်း စည်းစံနစ်ရှိသည်။ လင်္ကာ၌ ပုဒ်ရေပေါင်း ဖွဲ့လိုသမျှ ဖွဲ့နိုင်သည်။ အဖျားချတွင်လည်း စာလုံးရေ အကန့်အသတ် ‎မရှိ၊ ရတုတွင်ကား တပိုဒ်တည်းဖွဲ့စပ်လျှင် ဧကပိုဒ်၊ နှစ်ပိုဒ်ဖွဲ့စပ်လျှင် အဖြည့်ခံ၊ သုံးပိုဒ်ဖွဲ့စပ်လျှင် ပိုဒ်စုံ ဟူ၍ ခေါ်ဆိုသည်။ ‎သုံးပိုဒ်ထက်ပို၍လည်း မဖွဲ့နွဲ့ကြချေ။ တပိုဒ် တပိုဒ်တွင်လည်း ပဒ အရေအတွက်အားဖြင့် "၁၀၈" ပဒထက် ပိုမို၍ မဖွဲ့ကြချေ။ ‎အဖျားချများတွင်လည်း (၇)လုံး၊ (၉)လုံး၊ (၁၁)လုံး၊ (၁၅)လုံး၊ (၁၉)လုံး စသည်ဖြင့် အဖျားချစာလုံး အရေအတွက် သီးသန့် ‎ထားသည်။

သက္ကရာဇ် ၇၀၀ ကျော်လောက်တွင် ရတုကဗျာအဖွဲ့မှန်ဟု ဆိုအပ်သော စတုရင်္ဂဗလ အမတ်ရေးသည့် ...‎ ရွှေဘွားတော်အောက်၊ ကျွန်၏လျှောက်ဖြင့်၊ မလျှောက်ဝံ့ဝံ့၊ လျှောက်ဝံ့ဝံ့တည့်၊ ကြောက်ရွံ့လျက်ပင်၊ ‎စက်ရွှေစင်ကို၊ ထိပ်ပြင်ပန်းနှယ်၊ ဆင်းစမ္ပယ်လျက်၊ အစချီသောရတုကို မြန်မာစာပေနယ်ပယ်တွင် ရှေးဦးစွာတွေ့ရသည်။ တွေ့ရှိရသမျှ ရတုတို့တွင် အထက်ပါ စတုရင်္ဂဗလ ‎အမတ် ရေးသည့် ရတုသည်ပင်လျှင် အဟောင်းဆုံးရတုဟူ၍ ဆိုရပေမည်။ သို့သော် ထိုရတုသည် မယ်ဘွဲ့၊ မောင်ဘွဲ့ ‎မဟုတ်ပေ။ မြတ်စွာဘုရား၏တရားတော်အကြောင်းနှင့် စပ်လျဉ်း၍ ရေးသားထားသော ဓမ္မသဘောသက်ဝင်သည့် ရတု ‎ဖြစ်သည်။ ‎

အင်းဝခေတ်မှ အစပြု၍ ရတုနယ်ပယ်သည် ကျယ်ဝန်းလာသည်။ ထိုခေတ်တွင် မယ်ဘွဲ့၊ မောင်ဘွဲ့၊ ကျေးစေရတုများ ‎ပေါ်ပေါက် လာချေပြီ။ သက္ကရာဇ် ၉၀၀-ကျော်လောက်တွင် ရတုနဝဒေးကြီးဟု ကျော်စောထင်ရှားသော စစ်ကိုင်း ‎ထောင်သင်းမှူး(ခေါ်) စလင်းလက်ျာ(ခေါ်)ပြည် န၀ဒေးကြီးသည် ရတုပုဒ်ရေပေါင်း ၃၀၀-နီးပါးမျှကို စပ်ဆိုဖွဲ့နွဲ့ခဲ့သည်။ ထိုနောက် တောင်ငူခေတ်တွင် နတ်သျှင်နောင် ရတုကဗျာအဖွဲ့ ‎သည် များစွာ ခေတ်စားလာပြီးလျှင် လူပုဂ္ဂိုလ်တို့ အများအပြားဖွဲ့ဆိုလာကြသဖြင့် ထိုတောင်ငူခေတ်ကို ရတုခေတ်ကြီး ဟူ၍ ‎လည်း ခေါ်တွင်လေသည်။
ရတု(အခမ်းအနား)များ နှစ်ပတ်လည်အခမ်းအနားမင်္ဂလာများကိုလည်း ရတုဟု ခေါ်ဆိုကြသေးသည်။ ထိုနှစ်ပတ်လည် နှစ်များ၏ အခေါ်အဝေါ်များမှာ အမျိုးအမည် များစွာ ကွဲပြားခြားနားသည့် အပြင် အမေရိကန်နှင့် ဗြိတိသျှ အင်္ဂလိပ်တို့ပင် နှစ် ၆၀ ကို ခေါ်ဝေါ်ပုံချင်း မတူ ကြပေ။ ဗြိတိသျှတို့ကနှစ် ၆၀ ကို စိန်ရတု (Diamond Jubilee) ဟုခေါ်ဆိုကြပြီး အမေရိကန်တို့က ၇၅ နှစ်ကို Diamond Anniversary ဟုသတ်မှတ်ကြသည်။( မြန်မာနှင့်တူသည်)
နှစ်ပတ်လည်ရတုများ ထို့ပြင် Jubilee ရတုနျစ်ပတ်လည်များနှင့် Anniversary နှစ်ပတ်လည် တို့ သတ်မှတ်ပုံမှာလဲ အနည်းငယ် ကွဲပြားပေသည်။ များစွာသော Anniversary တို့တွင် အထူးအမည်နာမများရှိကြသည်။ လူမှုရေးရာနှစ်ပတ်လည် စသည်ဖြင့်ကွဲပြားကြသေး သည်။အထူးသဖြင့် လက်ထပ်နှစ်ပတ်လည် များကို အထူးအမည်နာမ ၀ိသေသတပ်ပုံတို့မှာ စိတ်ဝင်စားစရာ ကောင်းလှပါသည်။ ထိုအမည်များမှာ . . .

နှစ်	ရတုအမည်
၁	စက္ကူရတု
၂	ချည်ရတု
၃	သားရေရတု
၎	လီနင်အ၀တ်အထည်ရတု
၅	သစ်သားရတု
၆	သံရတု
၇	သိုးမွေးရတု
၈	ကြေးဝါရတု
၉	ကြေးနီရတု
၁၀	သံဖြူ(သို့) အလူမီနီယမ်ရတု
၁၁	သံမဏိရတု
၁၂	ပိုးရတု
၁၃	ဇာရတု
၁၄	ဆင်စွယ်ရတု
၁၅	ပုံဆောင်ခဲရတု
၁၇	စိမ်းပြာကျောက်ရတု
၂၀	ကြွေထည်ရတု
၂၅	ငွေရတု
၃၀	ပုလဲရတု
၃၅	သန္တာ(သို့)ကျောက်စိမ်းရတု
၄၀	ပတ္တမြားရတု
၄၅	နီလာရတု
၅၀	ရွှေရတု
၅၅	မြရတု
၆၀	စိန်ရတု(အင်္ဂလိပ်)
၇၀	ရွှေဖြူရတု(အင်္ဂလိပ်)
၇၅	စိန်ရတု(အမေရိကန်)
၈၀	၀က်သစ်ချရတု
၁၀၀	ရာပြည့်ရတု

ထို့ပြင် နှစ်ပေါင်းရာကျော်များကိုခေါ်သော လက်တင်အမည်နာမတို့လည်း သီးသန့်ရှိပေသည်။ ၄င်းတို့ကို ဗဟုသုတ အဖြစ်ဖေါ်ပြရလျှင်ဖြင့် .. နှစ် ရတု ၁၂၅ Quasquicentennial ၁၅၀ Sesquicentennial ၁၇၅ Erquasquicentennial ၂၀၀ Bicentennial ၂၅၀ Semiquincentennial ၃၀၀ Tercentennial (or) Tricentennial ၄၀၀ Quadricentennial ၅၀၀ Quincentennial ၆၀၀ Sexacentennial ၇၀၀ Septuacentennial ၈၀၀ Octocentennial ၉၀၀ Nonacentennial ၁၀၀၀ Millinnial ၂၀၀၀ Bimillennial စသည်တို့အသီးသီးဖြစ်ကြပါသည်။